Confirmouse o que todo o mundo xa sabía e a super estrela xermana da NBA Dirk Nowitzki, dos Dallas Mavericks, foi elixido como o xogador máis valioso da tempada regular na NBA. Pena que nos playoffs o cousa non fora nada ben para o equipo texano e Don Nelson puido vingarse do propietario do equipo, Mark Cuban.

A continuación un video no que se mostra a traxectoria e evolución de Dirk ata convertirse no primeiro europeo que é galardoado co MVP.

Saúde e basket!

Technorati Tags: dirk nowitzki, Dallas

Teño unha información bomba sobre a campaña para as eleccións locais aquí na miña terra. É tan incribel que polo de agora non vou dicir nada ata que o poida confirmar ou teña probas fotográficas. Só dicir que de confirmase fará as delicias dos fans dos Monty Python e dos amigos do humor máis surrealista.

Permañezan atentos as súas pantallas que desta saimos na TV

Actualización 25 de maio de 2007: O gran rumor que me neguei a crer xa é publico e motivo de comentarios por todo o país. Efectivamente tratase das famosas sudadeiras coa imaxe do Che Guevara que puxo en circulación o PP de A Pastoriza.

De momento A VOZ e Chuza son os primeiros medios en facerse eco da nova.

Crónicas Gaelicas

Republika Independiente

Diarios do Capitán Pescanova

LibreXPresión

Vogue

Guitarramania

Meneame

EmuleEspaña

Desinfonacional

Sitios onde atopar información sobre o Che Guevara

Wikipedia en galego

Wikipedia en español

Cheguevara com ar

Patria grande

Technorati Tags: A Pastoriza, Che Guevara, eleccións, eleccións locais

Para quen guste da toponimía, esta é unha lista de barrios da parroquia de Bretoña. Como en moitos sitios cada barrio a sua vez dividese en barrios máis pequenos:

Afoz

Álvite

Azougo

Castrillón

Castiñeira

Currás

Fitoiro

Francos

Fontao

Igrexa (capital do imperio)

Loxilde

Mourelle

Piñeiro

Pedredo

Seselle

Soledad

Xemil

Technorati Tags: Bretoña

O CEI acaba de sacar unha serie de cursos de formación online, algúns deles bastante interesantes e nos que parece que non hai que cumprir nengun requisito en particular para apuntarse.

Os interesados poden inscribirse no CEI - NODUS, na Avda. de
A Coruña, 490, no teléfono 982 264 260 ou por mail a
formación@cei.lugo.es

Un pouco de história. ¿A quen se coñece como os criminais de novembro?

Asi foron coñecidos en Alemaña os ministros que asinaron o Tratado de Versalles que supuxo a perda para Alemaña de máis de 2 millóns de quilómetros cadrados fora de Europa e máis do dez por cento do território alemán europeu a parte de ter que pagar unhas custosisimas compensacións económicas entre outras cousas. Os grandes impulsores destas durisimas condicións foron os franceses que ainda non esqueceran a malleira que lles deran os prusianos na guerra franco-prusiana. Este tratado tan duro foi a primeira pedra do camiño cara a segunda guerra mundial.

Technorati Tags: alemaña, historia

A outrora presentadora do programa Encontros estivo este sábado en Ferreiravella (Riotorto) como speaker e animadora doutro encontro de ferreiros (dous en menos dun mes) que se celebrou para de paso inaugurar a área recreativa.

A querida Mari Carmen Mella adicou unhas verbas para glorificar o alcalde de turno mentres o pobre Manolo Escobar agardaba pacientemente a que rematara o mítin. Dende logo Manolo Escobar foi o mellor da noite pero tamén actuaron Marcos Yunas que non teño nin idea de quen é e Son Pasión de Gavilanes que miñas pobres, tiñan os pantalóns rotos,… O certo é que carne houbo cantidá, máis ca nunha peli de Nacho Vidal. Co frio que ali facía!

Souben que a speaker era Mari Carmen Mella por duas cousas; unha foi polo cacique con coca que tiña na man e unha rápida asociación de ideas e outra polo acabado do pintor.

O certo que o festexo estaba a tope e aparcar era máis complicado que atopar a Bin Laden anque o fallo foi o tema do sonido xa que apenas se oía nada do playback na parte do fondo.E nada máis meus queridiños….

Technorati Tags: Ferreiravella, Mari Carmen Mella

Teño que confesar que fai anos que non merco nin leo un xornal. Toda a información que preciso atopoa na rede e poido contrastar distintas versións tan só con visitar distintas webs ou blogs; supoño que ista é unha das razóns polas que parece que non interesa eliminar a fenda dixital en Galiza: a información é liberdade. A liberdade é a antítese do caciquismo: en Galiza inventouse o caciquismo.

Centrandome no tema, fai uns días estando nunha casa allea aburrido coma unha monxa nun streptease caeume nas máns un suplemento do diário “El Progreso” chamado “A Chaira” con novas sobre a Terra Cha. Recoñezo que non sabía que existía este suplemento (do Progreso o último que souben é que é o segundo xornal que máis leitores perde en Galiza) asi que me puxen a votarlle un vistazo con certa curiosidade. Non lembro casa nada, salvo algun artigo sobre listas eleitorais e tal e tal. Pero chamaronme poderosamente a atención duas cousas, non por inesperadas; engado.

O suplemento “A Chaira” estaba escrito en castelán (non lembro se había artigos en galego) cando na comarca da Terra Cha atrevome a aventurar que máis do 95% da poboación ten o galego como a língua materna e de uso cotiá.

A segunda cousa que me chamou a atención foi unha publicidade dunha empresa que está nunha vila onde o 99% dos seus habitantes falan galego e o restante 1% fala romanés, árabe e castelán que tamén estaba en castelán.

Estas duas cousas deixaronme bastante triste e cunha dubida que agardo resolver: ¿Os xornais en Estonia publicaranse en ruso ou en estonio?

Technorati Tags: A Chaira