En Bretoña :: Seve » Mundo Apple

Gruml, lector de rss que sincroniza con Google Reader

Seve — Mon, 15 Feb 2010 21:22:26 +0000

Gruml é unha aplicación que permite manexar os rss aos que estamos suscritos no google reader dende o escritorio do noso mac.

O seu uso e configuración é bastante simple. Con só meter os datos da nosa conta de google reader nos descarga a estructura de carpetas que teñamos montada e os corresponentes rss almacenados en cada unha.

A sincronización é perfecta polo que evitamos molestia de ter que ler dúas veces o mesmo artigo según accedamos dunha ou doutra maneira.

Polo de agora é gratuito pero non sei que me da que cando deixe de ser beta tal mude esta situación.

Steve Wozniak e como IE cambiou o destino de Apple

Seve — Tue, 27 May 2008 07:01:10 +0000

Un dos libros que ando a ler cando teño algún minuto libre é a biografía de Steve Wozniak “Iwoz”. Realmente divertida e amena.

No último capítulo do libro, “Rules to live By”, a parte de dar uns consellos en plan autoaxuda moi interesantes hai unha historia que por ser descoñecida para min me resultou extraordinariamente cautivadora. Supoño que os maqueiros de vello a coñecerán.

A historia é de como o navegador IExplorer cambiou para sempre o destino de Apple e non precisamente polas súas boas prestacións. Calquer usuario de Windows que usara como navegador este enxendro sabe que non é precisamente unha goleta ou un bergantín surcando a rede, máis ben aseméllase a unha chalupa a deriva. Non fai falta lembar os vellos tempos dos dialers e outros timos para rememorar aterradoras experiencias con IE.

A mediados dos 90 Apple tiña como sistema operativo o Mac OS 7 que parece ser -según se conta no libro- que petaba máis ca unha escopeta de feira. Vamos, algo así coma o aterrador Windows 98 ou o Milenium. En Apple estában bastante preocupadillos, máis que nada pola posible perdida de clientes (pasta) e estaban considerando a idea de crear un novo sistema operativo.

Wozniak, que xa non estaba vinculado a Apple, pensaba que Mac OS 7 era un bo sistema operativo e que en vez de sacar un novo SO era mellor facerlle uns remendos ao Mac OS 7. Como el di; era un sistema invulnerable a hackers e virus.

Wozniak, por casualidade, descubriu porque o Mac OS 7 petada tanto gracias ao seu fillo Jesse. Cómo? Jesse descargou un navegador chamado iCab para usalo en sustitución do Internet Explorer. Como o seu fillo o empezou a usar, Woz tamén decidiu probalo. Efectivamente, foi cambiar de navegador e deixar de dar problemas o sistema operativo.

Woz tamén comprobou que entre os seus coñecidos que non tiñan problemas co sistema operativo ninguén usaba IE; usaban Netscape.

Wozniak púxose en contacto de tódalas maneiras posibles con Apple para comentarlles o seu descubrimento pero non o tomaron en serio nin lle fixeron o máis mínimo caso (igual que nas empresas españolas cando avisas dalgún fallo).

Pasado un tempo Wozniak recibe unha chamada de Gil Amelio (CEO de Apple) para comentarlle que ían mercar un novo sistema operativo a unha compañía chamada NeXT. Quén era o mandamais de NeXT? Steve Jobs!! Ese novo sistema operativo costaría 400 millóns de dólares e significaría o retorno triunfal de Steve Jobs a compañía da que tivera que saír pola porta de atrás en 1985.

Supoño que botando a vista atrás, MS preferiría terse molestado en sacar un producto algo máis digno con tal de evitar o renacemento dunha compañia que por aqueles anos parecía condenada a desaparecer e que co retorno de Jobs experimentou un segundo renacemento que continua hoxe grazas a productos como o iMac, o iPod, o macbook e o iPhone.

O ícono que se perdeu xogando ao escondite

Seve — Wed, 23 Apr 2008 10:34:21 +0000

Unha cousa ben rara, ou non tanto despois de fozar un pouco pola rede… Dun día para outro o ícono do disco duro que aparece no escritorio vai a tomar por saco amén de desaparecer tamén no apartado de dispositivos do finder.

Escrutando a rede na língua de Cervantes non hai solucións, ou ben, están demasiado agochadas para o tito Google ou para a miña pericia co devandito buscador. Tentando a sorte no idioma universal, despois de unhas cantas pesquisas máis ou menos infructuosas, un par de mecachis, dous case,… por fin un bingo!
sudo chflags nohidden /

Unha vez que se atopa que fácil parece, pero antes…

O artigo completo coa explicación para que apareza de novo o ícono do disco duro no escritorio do noso mac en inglés.

Decepción Leopard

Seve — Wed, 27 Feb 2008 10:17:26 +0000

Non será porque non mo avisaron, pero, a verdade é que pasar de Tiger a Leopard foi un erro.

Con Tiger en case un ano de uso 0 cuelgues, salvo algunha vez que se quedou pillado o firefox. Con Leopard cuelgues cuasi diarios de varias aplicacións, ventiladores tolos cada vez que conecto un pendrive ou un disco duro externo e apagues a machete de cando en cando porque se queda parvo o sistema operativo.

Máis ca leopardo; minino.

Alternativas a Textmate en Windows

Seve — Fri, 06 Jul 2007 22:06:42 +0000

Cando un, por diversos motivos ten que usar un sistema operativo que fai tempo que non usa atopa o problema de atopar equivalentes para os programas que usa no seu sistema operativo habitual. Isto pasame especialmente con dúas ferramentas: Textmate e CSSEDit. Despois de buscar din atopado un par de editores que poder ser equivalentes (máis ou menos) de Textmate.

E-textEditor é un clon practicamente idéntico a Textmate pero para plataformas Windows. É tan facil de usar como Texmate e ten as mesmas funcionalidades. Costa 35 $

Intype é outra ferramenta moi parecida a Textmate que se pode descargar de forma gratuita anque polo de agora está en estado Alfa, pero é plenamente funcional. Polo de agora gratis.

De CSSEdit sigo buscando…

Primeiras imaxes de Ecto3

Seve — Thu, 07 Jun 2007 15:08:33 +0000

Unha pena que polo de agora non teñamos beta que levarnos a boca.

Nova orixinal

Technorati Tags: Ecto3

Nova versión de CSSEdit (2.5)

Seve — Thu, 26 Apr 2007 01:12:23 +0000

Acaba de sair unha actualización do que con case total seguridade o mellor editor de CSS do mercado: CSSEdit. Non se trata dunha actualización menor, senón que ven cun interesante feixe novidades que farán moito máis agradábel o traballo de crear follas de estilo

Technorati Tags: css, CSSEdit, mac

ThinkingRock 2.0

Seve — Sun, 15 Apr 2007 00:29:54 +0000

ThinkingRock 2.0 é a esperadisima nova versión de ThinkingRock, un programa que nos permite engadir e organizar as nosas tarefas diarias e proxectos futuros. Na sua categoría salvo MyLifeOrganicer non hai nengun software similar pero ThinkingRock ten unha seria de ventaxas sobre MyLifeMotivator; É grátis e é multiplataforma.

Debo recoñecer que a nova versión me decepcionou un pouco: esperaba máis novidades. Aínda así mantén a gran calidade da versión anterior cunha estética mellorada e algunha novidade interesante como “recurrency”.

Polo de agora a nova versión está só dispoñible para Mac pero en Linux tamén me funcionou e polo que lin nos foros tamén a máis xente.

Technorati Tags: thinkingrock 2.0

Como emular o botón dereito en Macintosh

Seve — Sat, 24 Feb 2007 02:04:11 +0000

Vale, unha das conadas máis grandes dos Mac para os que vimos do mundo peceiro é encontranos sen o amado botón dereito do rato que tanto nos facilita a vida. Como novato nesto de usar un Mac aceptei a cousa con resignación ata que de casualidade din coa forma na que se emula o botón dereito nos Mac.

Para emular o botón dereito temos que premer a tecla Ctrl cando facemos clic en calquera elemento ou arquivo.

Lástima non o descubrir ante de gastar 20 euros en mercar un rato…

Technorati Tags: emular, mac, apple, Macintosh

Capturas de pantalla en mac

Seve — Fri, 16 Feb 2007 16:13:47 +0000

Despois de probar Snapz Pro X e quedar bastante farto de que tódolos días o iniciar o mac aparecera a ventá de rexisto iniciaras a aplicación ou non, decidin buscar outro programa que permita facer capturas de pantalla en mac pero que fora menos mosca cojonera. O propio sistema trae a posibilidade de facer capturas de pantalla pero é bastante limitado.
Buscando, buscando, atopei esta maravilla chamada InstantShot! que encima é gratuita e funciona de fábula.

Technorati Tags: InstantShot!, mac, macbook, Snapz Pro