Seve

En fin, pouco se pode comentar de esta oferta de emprego público histórica ou “hijjjjjtórica” que diría o presidente do Congreso dos Deputados.

Mellor votar un ollo a valoración que fai a CGT sobre a oferta de emprego público.

“Mexan por nós e temos que dicir que chove”- Refraneiro galego.

Moisés baixou do monte Sinaí coas táboas da Lei escritas en pedra. Hoxe as leis escribense en papel ou formatos dixitais, a pedra quedou relegada para a “jeta” dos que redactan as leis.

A Xunta foi sempre un exemplo de como se poden incumplir as leis sen que pase nada. A última é o incumplimento da obriga de publicar a oferta de emprego público para o ano en curso dentro do trimestre seguinte ao da aprobación dos orzamentos.

En fin, estarán moi liados co proceso de consolidación para meter todas esas plazas ocultas ocupadas dende fai lustros por persoal non funcionario que ningún novo funcionario podía escoller porque non saían nas relacións.

Onte voteille por primeira vez unha ollada as modificacións da Lei da Función Pública de Galicia. Non tiña nin idea dos cambios que contiña salvo a referente ao controvertido tema de pasar a ser concurso-oposición “libre” (mira que son cínicos).

Foi a raiz deste cambio que deixei de malgastar o tempo en opositar (salvo algunha excepción) para adicar o meu tempo a cousas máis divertidas (SQL, php, pafetos,…). Por sorte ou desgraza, o feito de ter aprobado algún exame con boa nota e estar nos primeiros postos nas listas de sustitución nalgunha zona fai que cando menos teña que facer acto de presenza -e pago de taxas- no exame pertinente. Foi por iso que me deu por mirar as devanditas modificacións da Lei da Función Pública de Galicia.

Cousas interesantes que atopei:

1. Os procesos selectivos respectarán, en todo caso, os principios de igualdade, mérito, capacidade e publicidade e efectuaranse polo sistema de concurso-oposición “libre” .
2. Esta lei será de aplicación supletoria ao persoal de administración e servizos das universidades galegas.
3. A Consellería de Función Pública levará un rexistro público coas titulacións académicas e as remuneracións percibidas polo persoal eventual.
4. Poderase nomear persoal funcionario interino sen adscrición a praza dotada orzamentariamente. […] Os nomeamentos por esta causa non poderán superar o 20% do total de persoal funcionario do centro directivo, nin o 3% do persoal funcionario da Xunta de Galicia.
5. Os concursos para a provisión de postos de persoal funcionario deberán ser convocados cunha periodicidade anual e serán resoltos en 6 meses, dende a publicación das listas definitivas. A Administración da Xunta de Galicia poderá adscribir as funcionarias e os funcionarios a postos de traballo en distinta unidade ou localidade, logo de solicitude baseada en motivos de saúde ou rehabilitación do funcionario ou da funcionaria…
6. Soamente se poderán cubrir polo sistema de libre designación con convocatoria pública entre persoal funcionario os postos de traballo de subdirectora ou subdirector xeral, as secretarías de altos cargos así como aqueloutros de carácter directivo ou de especial responsabilidade para os cales, excepcionalmente, así se determine nas relacións de postos de traballo.
7. Nas probas selectivas que se realicen para o acceso ás prazas da Administración da Comunidade Autónoma de Galicia, terase que demostrar o coñecemento da lingua galega. […] as bases das convocatorias establecerán que unha ou máis das probas do proceso selectivo se deberán realizar exclusivamente en língua galega…
8. …terán especial consideración os casos de mobilidade xeográfica das funcionarias vítimas de violencia de xénero.
9. A administración pública velará para que non haxa menoscabo no dereito á carreira profesional dos funcionarios públicos que fosen nomeados altos cargos,…
10. A excedencia para o coidado de familiares pasa a ser de ata 3 años. […] O posto de traballo reservaraselle cando menos dous anos.
11. Establecese unha excedencia de 6 meses ampliable hasta un máximo de 18 meses para as funcionarias vítimas de violencia de xénero.
12. A Administración pública galega establecerá sistemas que permitan a avaliación do desempeño dos seus empregados. Terase en conta o grado de satisfacción dos cidadáns respecto dos servizos que lles presten.
13. Os permisos de maternidade, paternidade, … poderanse acumular ao período ordinario de vacacións.
14. Concedese un permiso retribuido dun máximo de 30 días para os casos de accidente ou enfermidade moi grave do cónxuxe, familiares de primeiro grado, familiares conviventes e acollidos.
15. Permiso de paternidade de 29 días ou de 35 en caso de nacemento, adopción ou acollemento múltiple.
16. Aumentase ao 7% a cota de vacantes para ser cubertas por persoas con discapacidade
17. O persoal que, con efectos anteriores ao 7 de outubro de 1996, tivese recoñecida a condición de indefinido na súa relación laboral por sentenza xudicial firme ou por resolución da Subsecretaría de Traballo e Asuntos Sociais do 24 de xullo de 1997 en virtude das previsións contidas no Plan de emprego do Inem terá os mesmos dereitos que o persoal laboral fixo.
    
    Este persoal será obxecto de funcionarización mediante un procedemento selectivo que respecte os principios de igualdade, mérito e capacidade. O persoal que non participe ou que participando non supere o proceso de funcionarización conservará todos os seus dereitos como persoal laboral da Xunta de Galicia.
    
    O proceso de funcionarización deberase iniciar no prazo máximo de doce meses a partir da entrada en vigor desta lei.
18. No prazo máximo de doce meses desde a entrada en vigor desta lei, a Xunta de Galicia convocará as probas selectivas para a realización dun proceso de funcionarización do persoal laboral fixo que ocupe prazas que, pola natureza das súas funcións, deban ser ocupadas por persoal funcionario, logo da valoración, a clasificación e a determinación dos postos de traballo afectados, que será aprobada polo Consello da Xunta de Galicia.
19. O persoal funcionario que ocupe postos que, antes da entrada en vigor desta lei, estivesen clasificados como de libre designación e que, posteriormente, deixen de ter esta forma de cobertura seguirá a ocupar os mesmos postos de traballo ata a provisión destes.
20. A Comunidade Autónoma galega desenvolverá, por unha soa vez por praza, un proceso selectivo de carácter extraordinario para a substitución de emprego interino ou temporal por emprego fixo.

As disposicións transitorias non teñen desperdicio.

Technorati Tags: función pública, o gordo da primitiva, oposicións

Antes sabías que a metade eran para amigos, parentes e similares e a outra metade eran para o resto dos mortais; agora sabemos que unha parte é para amigos, parentes e similares e a outra para os que xa están dentro. O resto dos mortais xa non existen a efectos prácticos…

Enlace

«Na Xunta acabouse entrar pola porta de atrás» -Touriño dixit

MINTIROSO!!

El Páis
La región
El Correo Gallego

Update: Tamén se tomaron molestia de baixar de 2 a 3 o numero de respostas erradas para que resten un punto. Máis facilidades imposíbel, salvo que empecen tamén a filtrar por raza, cor, relixión…que todo se andará…

ANECDOTARIO O LA ESTADISTÍCA IMPOSIBLE

« Fecha: 16. Mayo 2007 a las 13:55 » Responder quote | Modificar

Por favor, alguien me pueda dar una explicación lógi[/b]ca, racio[b]nal y coher[b][/b]ente a la siguiente pregunta (gracias anticipadas).

¿Por qué cada vez que se convoca un proceso selectivo para organismos tales como CIXTEC, EMPRESA PÚBLICA OBRAS Y SERVICIOS HIDRÁULICOS, ACEOUSA, MEDTEC…las mejores notas del proceso selectivo y por supuesto la plaza se la llevan, inexorablemente, aquellas personas que ya estaban trabajando en el organismo?

NOTA: podéis consultar, a modo de ejemplo, el último proceso en el CIXTEC, y más recientemente en el MEDTEC.

Logged

alvaro5

YaBB Newbie

*

Anuncios: 21

Re: ANECDOTARIO O LA ESTADISTÍCA IMPOSIBLE

« Respuesta #1 Fecha: 16. Mayo 2007 a las 14:14 » Responder quote | Modificar

La respuesta es ENCHUFISMO, ENDOGAMIA, CLIENTELISMO, CORRUPCIÓN, etc.

Elige la que más te guste.

Orixinal: aquí

Como varias persoas me escribiron a ver se podía seguir a poñer esquemas para descargar sobre cousas do fantástico mundo das oposicións, retomo a idea de compartir os meus apuntes de forma altruista para quen os queira. Non esperedes gran cousa xa que son unha merda; pero unha merda gratis… engado.

Na anterior ocasión deixei de subir esquemas polo simple motivo do cambio de CMS.

Estes son uns dos primeiros sinxelos esquemas que realicei: agora saenme mellor (a deus grazas)…

Competencias exclusivas de Galiza:

Competencias de desenrolo lexislativo e executivas:

Competencias de execución:

Technorati Tags: esquemas, mapa mental

No BOE de hoxe sae a convocatoria de 71 prazas de auxiliares para a Universidade da Coruña. A nota destacada é que para a proba practica usarase o paquete ofimático OpenOffice. Ben pola Universidade da Coruña! Xa podían aprender outros que se enchen a boca de falar de apoiar o software libre pero que despois seguen usando paquetes ofimáticos e solucións informáticas propietarias de código pechado.

Technorati Tags: software libre

A partires de agora vou ir poñendo a disposición de quen lle interese tódolos o meus esquemas e mapas mentais e conceptuais que usei para preparar distintas oposicións. Algúns son unha merda, outros non están mal de todo e poden ser útiles a algúnhas persoas. Ofrecense sen nengunha garantía, co único proposito de axudar principalmente as tódolos opositores que se preparan por libre.

Comenzo con esquema da estructura do IV Convenio Colectivo de Persoal Laboral da Xunta. Este é bastante cutre pero foi o primeiro co que me atopei agora. Simplemente é a estructura do IV Convenio Colectivo de Persoal Laboral en colorinchos. En próximos días prometo poñer mapas máis interesantes. A maioría deles están en castelán pola simple razón de que os libros que utilicei para a miña preparación están en castelán. Tamén teño uns cantos en galego. Todos están en formato PDF para que poidan ser vistos en calquer sistema operativo.
 Preme aquí ou na imaxe para descargalo.

 

1. Se podes, presentante sempre as oposicións de carácter estatal: Son as máis fáciles e sobre todo son a máis limpas. Tamén hai moitas máis prazas.
2. As académias son un timo: Salvo excepcións, as academias para preparar oposicións son pésimas. Se pensas apuntarte a algunha informate moi ben antes. Ollo con Adoz Formación e similares.
3. Aprovar estudando por conta propia é posibel: Que ninguén che diga o contrario! Ben é certo que necesitas unha alta dose de forza de vontade. Coa aparición das novas tecnoloxías o papel das académias tradicionais é discutible.
4. Apuntate a un grupo virtual de estudo: A mellor forma de motivarte e compartir coñecemento e formando un grupo virtual de opositores. Hai moitos sistemas gratuitos que permiten facer isto. Lembras por qué gañou un premio Nobel John Nash? Aplicao na túa preparación.
5. As oposicións nos concellos galegos están amañadas: Eu diría que nun 90% dos casos nos concellos galegos as prazas xa están dadas antes de empezar. Ainda así pode merecer a pena presentarse a concellos grandes cando o número de prazas sexa maior de 5. Tamén podes ir a foguearte para preparate para a oposición que realmente che interesa.
6. O punto 5 é aplicabel as Diputacións: Eu diría que nas Deputacións de Lugo e Ourense non hai nada que facer. Coñezo un caso na que nunha destas Deputacións pedían fai máis de 20 anos un millón de pesetas para entrar. Tamén está o caso no que un grupo político da oposición na Deputación de Lugo foise a un notario cos nomes dos futuros funcionarios, antes de celebrarse as oposicións, e acertarón 49 de 50. O que fallaron foi porque o fulano non se presentou. Eu presenteime a unha oposición nunha destas diputacións e… cagate lorito!! Mellor non ir, polo menos non che rouban as taxas. Das Diputacións de Pontevedra e Coruña non podo opoinar.
7. Os temarios das editoriais son unha merda: Con sorte sorte só se límitan a facer un copy&paste da lei correspondente pero cando temos un autor creátivo que se pensa que está a escribir unha novela, está o lio montado. O mellor estudar directamente polas leis e crearnos o noso propio temario a base de resumos e esquemas. A culpa é do conchaveo que hai entre institucións públicas e editoriais, ¿por qué nas bases nos expecifican claramente as leis a estudar en vez de poñer títulos creátivos? ¿Por qué non poñen as referencias lexislativas nas bases? ¿Por qué as administracións non sacan temarios gratuitos cos cartos que rapiñan ós opositores en concepto de taxas?
8. Non te fies dos rumores: En tódalas oposicións hai rumores, a maioría son malintencionados para desconcentrar a xente; outros son carentes de toda base. Fiate só do que sae publicado no correspondente boletín.
9. As oposicións de persoal laboral da Xunta son practicamene imposibeles se non tes puntos: O truco está en que fan un exame moi sinxelo para que o factor decisivo sexa o concurso. Non deixa de ser unha forma encuberta de enchufismo.
10. As oposicións a funcionarios na Xunta están mellor do que estaban: Non nos enganemos; son moi difíciles, pero, polo menos, a simple vista parece que descenderon os casos de enchufismo. Eu vivín en primeira persoa a famosa Conexión Boqueixón do goberno popular no que se meteu pola patilla a probablemente máis de 60 enchufados que sacaban deces no exame de auxiliar administrativo e ceros e pico no exame de subalterno. Hasta para estas cousas son parvos estes tipos. Casos puntuales sempre ha de haber, sobre todo neste país, pero parece que mellorou algo o tema. Anque co novo goberno algún caso houbo; xa se sabe, cambian as formas pero o fondo segue a ser o parecido. Que hay de lo mio!
11. As oposicións da USC son unha chapuza: Digocho eu que fun a duas, no mellor dos casos están feitas para que só entre xente que xa traballa na universidade, no peor podeche pasar como lle pasou a algunhas persoas cando fixeron o exame de informática das probas de auxiliar administrativo. Con todo; é posible aprobar, sobre todo se tes alguén dentro que che poida facilitar unha copia do temario que a USC elabora para os seus empregados.
12. A organización é fundamental: Máis importante que a cantidade de tempo que teñas para estudar é como o distribuas. Se buscas neste blog e atoparás o metodo que utilizo eu para conseguir organizarme e convalidar traballo, vida familiar e estudos.
13. Chapar non funciona: Pode que funcionara para memorizar un tema de sociales de 8º de EXB pero para aprender temarios de 1.500 páxinas densas como a selva do Amazonas hai que buscar outras alternativas. As asociacións ou Hiperlearning como o chamo eu é unha boa solución. Consiste básicamente en asociar cousas que sabes con outras que non sabes, facer retroformulación e en buscar cousas que non sabes dun tema para darte de conta de todo o que sabes dese tema que a súa vez levate a aprender o que non sabías. Menudo lio
14. A confianza nun mesmo é decisiva: Máis incluso que o tempo de estudo, a forma de afrontarlos exames é un factor fundamental para o éxito ou o fracaso. Lembras os famoso bloqueos mentais que ten as veces xente que se sabe todo de pe a pa e no momento crucial quedase en branco.
15. Todo é relativo: Suspender unha oposición pode supoñer que aprobemos outra mellor.