A outrora presentadora do programa Encontros estivo este sábado en Ferreiravella (Riotorto) como speaker e animadora doutro encontro de ferreiros (dous en menos dun mes) que se celebrou para de paso inaugurar a área recreativa.

A querida Mari Carmen Mella adicou unhas verbas para glorificar o alcalde de turno mentres o pobre Manolo Escobar agardaba pacientemente a que rematara o mítin. Dende logo Manolo Escobar foi o mellor da noite pero tamén actuaron Marcos Yunas que non teño nin idea de quen é e Son Pasión de Gavilanes que miñas pobres, tiñan os pantalóns rotos,… O certo é que carne houbo cantidá, máis ca nunha peli de Nacho Vidal. Co frio que ali facía!

Souben que a speaker era Mari Carmen Mella por duas cousas; unha foi polo cacique con coca que tiña na man e unha rápida asociación de ideas e outra polo acabado do pintor.

O certo que o festexo estaba a tope e aparcar era máis complicado que atopar a Bin Laden anque o fallo foi o tema do sonido xa que apenas se oía nada do playback na parte do fondo.E nada máis meus queridiños….

Technorati Tags: Ferreiravella, Mari Carmen Mella

Este domingo confirmouse que a festa celta do Lugnasad volverá a decorar o primeiro venres de agosto para desfrute de nativos e foráneos.

Tras unha par de anos de pausa para retomar forzas a asociación Auruxeira voltará a facer a festa celta, se deus quere, cunha nova directiva que permitiu un cambio xeracional deixando o vello paso ó novo.

Toca agora ponerse mans a obra, sacar os traxes do armario e o que máis importante: prepararse para currar coma cabróns nun coto da Auruxeira que leva abandonado case tres años.

Technorati Tags: Auruxeira, Bretoña, Festa Celta

O pasado domingo tiben a oportunidade de dar unha volta pola Feira de Artesanía do Ferro que se celebrou en Riotorto. Moita xente da redoada pasou por ali grazas ó atractivo da proposta e o soleado do día.

A parte diso o compoñente musical a cargo de Susana Seivane e Milladoiro era do máis apetecibel congregando o mellor de cada casa.

Tamén puidemos ver en primeira fila unha demostración práctica de como ferrar un cabalo.

O mellor de todo, como non, poder ver o traballo dos ferreiros en vivo e en directo durante toda a tarde a parte de outros artesáns que estiberon presentes, por exemplo, un cesteiro moi “alegre” ou o xove zoqueiro Alberto Geada.

Destacar que houbo teatro pola rúa e moita troula a cargo de Moscoso que deixou por un día a construcción para meterse a temas espirituais que non espirituosos deleitando o persoal especialmente s máis pequenos e armando barullo por cada sitio que pasaba acompañado dun peculiar monaguillo que acojonaba con so mirar para el.

Technorati Tags: ferreiros, festa, Riotorto

Hoxe pola mañán tiven a oportunidade de asistir o acto de entrega de diplomas do CEI para tódalas persoas que puidemos facer os cursos que ali se impartiron nos últimos meses.

Da tropa que fixemos o curso de Linux asistimos o 50% a un acto que presidiu Xosé Clemente López Orozco. O acto é os correspondentes discursos foron breves (cousa que se agradece) e transcorreu toda a cerimonia nun ambiente relaxado.

Eu, cando nacin, en vez de traer un pan debaixo do brazo vin cun libro chamado “As leis de Murphy“: hoxe puxen en pratica uns cantos capítulos; case caio ó ir a recoller o título, esquencinme de darlle a man tanto a Eva Real, coma a Orozco, o Delegado Provincial da Consellería de Traballo e o Vicerreitor do Campus de Lugo da USC, …menos mal que non fun o único

A experiencia do CEI foi excelente; un gran curso de Linux, excelentes compañeiros, unha gran mestra, un ambiente ameno, unhas instalacións de manda chover na Habana: espero facer algun curso máis nese centro.

Aproveito para agradecer a Lúis Gago (mestre na USC) por todo o que fixo por nós durante o curso, incluídas as xestións para poder visitar o CESGA e por descubrirme unha ferramenta como Cmaptools.

Tamén, grazas a este acto, descobrin que Orozco le os comentários do seu blog e o que é máis importante toma nota das suxerencias que se lle fan a través del, asi quen queira facer suxestións xa sabe.

O único punto negativo desta entrega de diplomas foi a auséncia de pinchos e birras imprencisdibles neste tipo de actos.

Technorati Tags: CEI, Lugo, Orozco

No momento que escribo isto non é máis ca un rumor pero parece que a xente nova de Bretoña, cando menos uns cantos, pretende voltar a darlle vida a Festa Celta do Lugnasad que no seu momento e despois de 10 anos deixouse de facer por esgotamento e falta de renovación xeracional entre outros factores.

Non podo ocultar que esta nova aínda sen confirmar me produce unha gran alegría.

Technorati Tags: Bretoña, Festa Celta, Lugnasad

Como dixo alguén “Xogar o baloncesto é unha pasada; gañar xa debe de ser a ostia”.
De verdade que un desfruta como un neno vendo ós dous grandes favoritos para converterse no MVP desta temporada na NBA; o alemán Dirk Nowitzki e o canadiano Steve Nash. Dous xogadores que xa non se estilan no baloncesto actual onde priman os chupóns estilo “quero ser Michael Jordan” LeBron James ou “me lo tiro todo, todo, todo y todo” Kobe Bryant. ¿Cántos aneis gañou Kobe dende que marchou Shaq?

O partido que enfrontou a Dallas contra Phoenix de fai uns días foi probablemente o mellor partido de baloncesto dos últimos catro ou cinco anos na NBA. Un non se pode explicar o que lle pasou a Mark Cuban pola cabeza cando deixou marchar a Steve Nash, o mellor base da liga, deixando a Nowitzki sen o seu mellor socio na cancha.

Web da Fundación Dirk Nowitzki
Web da Fundación Steve Nash

Technorati Tags: Dirk Nowitzki, NBA, Steve Nash

Os próximos días 22 e 23 de marzo celebraranse no Centro de Empresas e Imnovación unha serie de conferencia dirixidas a emprededores ou persoas interesadas no tema.

As inscripcións son gratuitas e non é necesario nengún requisito en particular para poder asistir.

Hai charlas moi interesantes das que destacaría “Gurús do Management” a cargo de Fernando Trías de Bes ou “Cazadores de ideas” a cargo de Francisco dePaula Gonzalez-Ruiz.

Technorati Tags: CEI, Lugo, emprendedores

Esta é a pequena historia dos indíxenas aislados do Perú:

Finais do século XIX / comenzos do século XX - Unha avalancha de caucheiros invade a selva e dezma a poboación indíxena; os supervivintes aislanse para salvarense.

1983/1985 - Os indíxenas “yora” teñen un primeiro contacto coa sociedade exterior debido a explotación petrolífera, o que leva a morte do 50% do seu pobo.

1990 >> - Creación da primeira reserva territorial para indíxenas aislados. Pouco despois é invadida por madeireiros e compañías petrolíferas (o de sempre).

1996 >> - Os contrabandistas de madeira toman contacto por primeira vez con indíxenas murunahua, o disparar sobre catro deles e facelos prisioneiros. Máis do 50% dos muruahua morre.

De 2000 en adiante >> Oleadas crecentes de madeireiros acuden ó sudeste do Perú para exquilmar algunhas das últimas reservas de caoba do mundo.

Extraido do boletín de Survival

A próxima vez que merques un moble asegurate de que non exterminaron a nengún pobo para facelo. Está na túa man…

Technorati Tags: caoba, indíxenas, petróleo

Unha das cousas que notei dende que migrei varios blogs de Textpatern e Serendipity a Wordpress é a multiplicación do spam nos blogs. Dende viagra, os clásicos timos de casinos xa comentados outras historias varias.

Haberá que empezar a tomar medidas de protección xa que senón isto vaise convertir nunha selva.

Menos mal que Bill Gates prometeu que el soiño ía rematar co spam para sempre no mundo mundial e en parte do extranxeiro. Qué tanquilidade!

Technorati Tags: wordpress

MiniAjax.com é un sitio caralludo para descargar scripts AJAX e DHTML gratis. Están reunidos os scripts AJAX máis populares listos para descargar.

Se buscas algún script AJAX o DHTML para incorporar a túa web este é o sitio

Technorati Tags: DHTML, ajax scripts