Un dos últimos casos resoltos polo servizo técnico xurídico da Consellería de Medio Ambiente fai referenza aos feitos producidos en xullo de 2004 na localidade de Aguiño, no concello de Ribeira. Grazas á denuncia dun cidadán puido detectarse un caso de maltrato continuo a dous cans –macho e femia- de raza pastor alemán.

O propietario propináballes golpes en distintas partes do corpo con tubos semiríxidos de plástico, actitude que xustificou como “unha intención de asustalos para que non lle comeran as galiñas”. O axente da zona da Delegación Provincial de Medio Ambiente, acompañado por efectivos do Seprona, procedeu ao comiso dos dous cans despois da denuncia, co fin de garantir o seu benestar ata a resolución do expediente aberto.

A consecuencia dos golpes recibidos o macho faleceu a finais de agosto no Hospital Rof Codina en Lugo, onde fora trasladado para realizarlle un exame exhaustivo da súa dolencia. As análises psicolóxicas que lle foron realizadas aos dous cans reflectiron claros síntomas de ter sido maltratados de xeito reiterado. Os animais presentaban actitudes de terror cando recibían unha caricia ou cando alguén se achegaba a eles dunha maneira algo brusca.

Ao propietario foille imposta finalmente unha multa de 6.000 euros polos maltratos aos dous animais e procedeuse ao comiso definitivo da cadela, que na actualidade permanece ingresada no centro da Asociación Protectora de Animais e Plantas de Santiago de Compostela. Este animal, que evoluciona favorablemente e adoptou xa actitudes máis sociables coa xente, está a disposición de calquera persoa que queira adoptalo definitivamente e ofrecerlle un fogar.

..:: GALICIADIGITAL ::...

Espero que alguén lle dea de ostias a ese fillo de puta. As imaxes emitiunas hoxe Telecinco. Podese ver a ese merdán dandolle paus a os pobres dos cans atados ata que cansa.

Aquí, na miña terra, tamén hai algún fillo de puta similar, por exemplo, o que me envelenou a min un can que creo case con toda certeza é o mesmo que sendo eu cativo matou un can de palleiro que tiñamos.

Actualización 13 de setembro: Na web de Telecinco podemos ver o video do fillo de puta este torturando a un animal indefenso.