En Bretoña » celtas http://www.sevegarcia.net Cousas sobre Bretoña, Linux, MTB, A Pastoriza,... Sat, 21 Jan 2012 19:31:58 +0000 en hourly 1 http://wordpress.org/?v=3.2.1 Festa celta do Lugnasad 2010 en Bretoña http://www.sevegarcia.net/festa-celta-do-lugnasad-2010-en-bretona/ http://www.sevegarcia.net/festa-celta-do-lugnasad-2010-en-bretona/#comments Sat, 10 Jul 2010 11:19:36 +0000 Seve http://www.sevegarcia.net/?p=775 Un ano máis por estas data estase a cociñar unha nova edición da Festa Celta do Lugnasad -e van catorce se a memoria no me falla-. Apurados coma sempre pero tirando para diante.

A falta de innúmeros temas por pechar o que si xa se pode adiantar é o cartel musical deste ano que promete festa a esgalla e bo ritmo.

Saltonocribo

Os Cempés

Pan de Capazo

Cuchufellos

A parte das actuacións musicais haberá coma tódolos anos as clásicas vodas celtas oficiadas por un misterioso druída e a medianoite quentaranse as gorxas de tódolos presentes con boa queimada da terra unha ver realizado o conxuro.

A xente interesada en casar polo rito celta aínda pode pasar pola web da asociación cultural auruxeira a contactar para apuntarse.

]]> http://www.sevegarcia.net/festa-celta-do-lugnasad-2010-en-bretona/feed/ 23 Crónica do Lugnasad 2009 de Bretoña http://www.sevegarcia.net/cronica-do-lugnasad-2009-de-bretona/ http://www.sevegarcia.net/cronica-do-lugnasad-2009-de-bretona/#comments Mon, 10 Aug 2009 20:33:40 +0000 Seve http://www.sevegarcia.net/?p=616
<i>Conxuro da queimada</i>

Conxuro da queimada

Xa rematou o Lugnasad. Carballeira, ritos, vodas celtas, vento,… moito vento, frío,… moito frío e Maeloc. Volta a tranquilidade ao Coto da Auruxeira. Despois da festa, da xente, da música,… chega o silencio, a calma. As árbores fanse donas por outro ano máis do noso pequeno coto. As pallozas fican baldeiras.

O estrés da preparación, o traballo duro dos días previos, a intensidade da noite celta, os bos momentos de compañeirismo, as expedicións a terras alleas despois das xornadas de traballo quedan atrás: rematou o Lugnasad.

Onte (sabado 8) todo estaba calmo, entre a choiva unhas figuras paseniñamente se afanaban en recoller dilixentemente os candís, os fachos, os estandartes e todo o que lle da ese carácter especial a festa celta de Bretoña, feita con moito esforzo, ilusión e poucos medios. A decimoterceira xa pasou.

Foi unha edición esta da festa celta con moitas novidades, puido ser mellor; seguramente. Puidémoslle por máis ilusión: imposíbel. Faltan cartos, sobran ilusión e gañas.

O día non prometía moitas alegrías. O medo a que a amiga choiva nos arruína a noite esta presente na mente de todos/as pero voltounos a respectar e van xa… Un convidado inesperado foi o vento incesante e o frío norteiro. O vento xogounos algunha mala pasada cos fachos. Tanto traballo para despois sernos imposible telos prendidos todos. Polos menos os que estaban en sitios máis abrigadiños resistiron ao deus Eolo.

Un novo druída para oficiar as vodas celtas e para facer o conxuro da queimada. Unha nova forma de facer. Un novo estilo. Guerreiros fortes que lle prantaron cara ao frío viquingo con finas roupas. Unha nova pedra para o rito das vodas para substituír a que durante máis dunha década foi a protagonista que finalmente sucumbiu ante un inimigo chamado Klaus.

Outra novidade: Unha proxección de fotos antigas da vila de Bretoña e das súas xentes para todos os que se quedaron na parte alta da carballeira mentres se oficiaban as vodas celtas. Se se volve a facer temos que mellorar varios aspectos: máis fotos e un pc cun sistema operativo libre (Arch Linux se me dan a opción).

Non faltou a música mentres as gorxas disfrutaban do rico licor Maeloc, das queimadas e do hidromel. Empezaron os amigos de «Gandalf» dando mostras do seu bo facer ata as 12 da noite. Despois das vodas tomaron o relevo «Os Tres Trebóns» que coa súa intensidade puxeron a carballeira patas arriba. Sobrou a demostración de sombras chinesas do amigo Xan. O remate musical chegou cos ástures «Taranus» que o fixeron moi ben pese a que algún dos seus membros viña de facer un turno dobre no seu traballo habitual.

Como é costume a xente non marcha cando remata a música senón que segue a festa ao seu xeito asando liscos nas fogueiras, charlando animosamente, bailando con sons imaxinarios e bebendo licores selectos ata ben chagada a madrugada. Neste caso punto é final foi posto canto xa preto do amencer o xerador decidiu que xa rematara a súa xornada laboral. E o Lugnasad 2009 rematou.

Ata o ano se Lug así o decide.

]]> http://www.sevegarcia.net/cronica-do-lugnasad-2009-de-bretona/feed/ 6 Festa celta do Lugnasad 2009 http://www.sevegarcia.net/festa-celta-do-lugnasad-2009/ http://www.sevegarcia.net/festa-celta-do-lugnasad-2009/#comments Thu, 23 Jul 2009 18:57:05 +0000 Seve http://www.sevegarcia.net/?p=604
Festa Celta de Bretoña 2009

Festa Celta de Bretoña 2009

Como é costume o primeiro venres de agosto celebrase en Bretoña a festa celta do Lugnasad. Este ano o venres cae en 7 de agosto.
Nesta edición o tema musical estará cuberto polos “Os Tres Trebóns”, o grupo “Gandalf” de Astorga e o grupo asturiano “Taranus” que seguro farán as delicias dos presentes.
Coma sempre entre música e conxuro da queimada haberá tempo tamén para o ritual das vodas celtas. As actividades comezarán pola tarde cunha serie de actos lúdicos para os máis cativos e o pistoletazo de saída pola noite será as dez e media da noite.
As pallozas estarán ben cheas de comida e de bebida para todos os que se acheguen a gozar da noite celta britoniense en honra ao deus Lugh.

Gandalf

Os Tres Trebóns

Taranus

O venres 7 de agosto en Bretoña!

]]> http://www.sevegarcia.net/festa-celta-do-lugnasad-2009/feed/ 5